Gjilan – Zyrtarët komunal të Novobërdës kanë filluar të ndjekin kursin dy gjuhësor shqip-serbisht, projekt ky i përkrahur nga ICNM.
Zyrtarët komunal në Novobërdë si shqiptarë ashtu edhe ata serb do të kenë mundësi që të komunikojnë me njëri tjetrin, pasi ata do të ndjekin një kurs dy gjuhësor shqip serbisht dhe anasjelltas. Ky projekt i përkrahur nga ICNM është mirëpritur nga Bajrush Ymeri kryetar i Novobërdës i cili edhe i ka vizituar kursistët.
“Ne kemi nënshkruar marrëveshjen me ICNM për kurse të gjuhës shqipe dhe të asaj serbe sepse, komuna jonë është komunë multietnike, dhe se është shumë e nevojshme të kemi një komunikim të mirë dhe të qartë në punë”. Sipas Ymerit ky kurs më së shumti do t`i ndihmoj punëtorët nga komuniteti serbë meqë atyre u duhet komunikimi me ministritë e ndryshme. Ymeri ka falënderuar organizatën ICNM për këtë angazhim që po e bënë për komunën e Novobërdës.
Ndërsa menaxherja e projekti Andera Najvirtova tha se ky projekt do të realizohet në tri komuna,dhe do t`i ndihmoj të gjithë zyrtarët komunal të kenë komunikim të mirë.”Unë vij nga Sllovakia dhe se kur e kam mësuar gjuhën shqipe, në fillim më është dukur shumë vështir, por i`a dola me lehtësi,edhe për të gjithë juve fillimi do jetë i vështirë, por do t`ia dilini me përkushtimin tuaj” i porositi ajo kursistët shqiptarë e serb./rajonipress/
