Zymtësia dhe fjalomania përsëri në Gjilan

Nga Sokol Haziri – E kuptojmë, jemi në fushatë dhe edhe mund të ketë nga pak teprime në premtime e mbase edhe ndonjë gënjeshtër të imtë. Dhe kjo mbase i falet ndonjë partie që nuk ishte ndonjëherë në pushtet e mendon kështu të përfitoj ndonjë votë, por të dëgjosh nga partia në pushtet, gjegjësisht kreu i saj, duke folur për hekurudhën që do lidh Gjilanin me pjesë tjera të vendit, pa i u parë fundi autostradës së premtuar me 2023 për tu përfunduar, e për pasoj me viktima e aksidente të shumta, që po pësojnë qytetarët tanë në rrugën ekzistuese, vërtet është nënçmim dhe tallje për qytetaret e Anamoraves.

Ku i ke realizimin e premtimeve për Anamoravë, ku është Stadiumi i Gjilanit e shumë projekte tjera të premtuara, ketë u`a ke borgj me u tregu Gjilanasve pse nuk u bënë.

Këtu nuk të pengoj kush dot, ngase e juaja është edhe Qeveria Lokale. Të mos flasim për të tjera dështime e mashtrime të panumërta, që ju bënë padrejtësisht kësaj ane. Ju edhe mund të ju duartrokasin militantet tuaj edhe për hekurudhën edhe për antiamerikanizmin e të ju portretizojnë si luan që rrinë mbi automobil, por nuk do të ndodh që kjo anë me qytetarët e saj të tolerojnë mashtrime kësaj radhe.

Ne nuk jemi numra. Dita e Diell është afër.
Sokol Haziri Nënkryetar i AAK-së Dega ne Gjilan