Zmbrapsja e Qeverisë para Serbisë

Qeveria është poshtëruar dy herë radhazi në këtë fundvit, gjatë përballjes me Serbinë dhe me strukturat e saj që ilegalisht prej një dekade e gjysmë veprojnë pa u penguar në Kosovë. Është zmbrapsur nga reciprociteti e edhe nga mosnjohja e dokumenteve ilegale, shkruan sot Koha Ditore.

Në fund të shtatorit, ministrja për Dialog, Edita Tahiri, pati premtuar zbatimin e reciprocitetit në çështjet e tabelave të regjistrimit të automjeteve.

Sipas saj, reciprociteti do të përfshinte çështjen e tabelave “prova”, të cilat Beogradi zyrtar i aplikon për automjetet e Kosovës me tabelat “RKS” që hyjnë dhe qarkullojnë në Serbi.

Paralajmërimi i saj ishte se “shumë shpejt” të njëjtat do t’u vihen automjeteve me targa të Serbisë që hyjnë në kufi dhe qarkullojnë në territorin e Kosovës. Por, deri tash, një masë e tillë reciprociteti nuk është vënë në fuqi.

Ndërkaq, këtë javë Qeveria ka nxjerrë një udhëzim administrativ, me të cilin i shpall të paligjshme dokumentet personale, me të cilat janë pajisur serbët nga institucionet ilegale të Serbisë në Kosovë.

http://koha.net/?id=27&l=89618