Zjarret në Komunën e Gjilanit janë të lokalizuara

Gjilan – Sipas Blerton Ajetit këtë vit zjarret kanë qenë më të vogla dhe janë lokalizuar më shpejt.

Zjarret edhe pse të shpeshta në Gjilan ato janë të lokalizuara. Kështu është shprehur Blerton Ajeti drejtor për mbrojtje dhe shpëtim në takimin e bordit të drejtorëve.

Sipas apetiti ka pasur një zjarr në fshatin Dunav, por edhe ai është i lokalizuar dhe nuk ka hapësirë për panik. Rreth 75 intervenime për 10 ditë kemi pasur nga Shërbimi i Zjarrfikësve, derisa para dy ditëve e kemi ndihmuar edhe Komunën e Ferizajt me shërbimet tona së bashku me KFOR-in Amerikan.

“Këtë vit deri më tani zjarret kanë qenë më të vogla dhe i kemi lokalizuar shumë shpejt, falë edhe bashkëpunimit të mirë me qytetarët e Komunës së Gjilanit”, ka thënë Ajeti.

Ajeti edhe më tutje ka kërkuar nga qytetarët që të jenë të kujdesshëm dhe mos t`i djegin hamulloret apo mos të ndezin zjarre vikendeve. Zjarrëvenia e qëllimshme është vepër penale” ka rikujtuar Ajeti të gjithë ata që tentojnë të shkaktojnë zjarre./rajonipress/

Shpërndaje.
© RAJONIPRESS