Zihen për letërsinë: poeti vret prozatorin!

Prozatori i dehur nuk i pranon “argumentet” e poetit, se poezia është më me vlerë se proza. Kështu poeti, po ashtu i dehur, e godet me thikë për vdekje rivalin e vet.

Se poezia mund të jetë “e rrezikshme për jetë” e ka provuar tragjikisht një rus, adhurues i flakët i prozës. Atë e ka vrarë me thikë një tifoz ekstrem i poezisë. Kjo ka ndodhur me të vërtetë pak kohë më parë në Rusi, në mes të dy të dehurve të cilët i kishin hyrë thellë garës me fjalë se cila ka më shumë vlerë proza apo poezia. Në nxehje e sipër të kësaj gare, pasi që prozatori nuk i pranon “argumentet” e poetit, ky i fundit nuk duron më dhe e godet me thikë rivalin e vet. Adhuruesi i prozës në këtë mënyrë e paguan me jetë pasionin e tij.

Se ky konflikt i pazakonshëm ka ndodhur me të vërtetë, e kanë konfirmuar edhe autoritetet policore të regjionit Serdlowsk ku gjendet qyteti Irbit. Ata kanë thënë për mediet se dy meshkujt e dehur, zënkën e kanë filluar duke u shtyrë se cila ishte më e rëndësishme: poezia apo proza.

Pasi që “poeti” ka vrarë ”prozatorin”, ka ikur nga vendi i ngjarjes dhe është fshehur në shtëpinë e një të njohuri. ku policia e ka kapur dhe e ka arrestuar atë./albinfo.ch/