Zhegra kthehet në vend – punishte

Gjilan – Shemsedin Elezi përfaqësues i fshatit Zhegër është shprehur i lumtur që Zhegra tashmë është kthyer në vend punishte. Ai thotë se tashmë investime po bëhen në Zhegër, e Lladovë ku po kryhet pjesa e kanalizimit dhe trotuarit.

“Punimet e kanalizimit dhe trotuarit do të kryhen me sukses të plotë”. Kështu ka shkruar Shemsedin Elezi kryetar i fshatit Zhegwr, derisa ka vizituar punimet së bashku me Ramadan Ajvazin e Salih Kqikun.

”Organet komunale kanë vendosë që të jenë në vëzhgim të plotë të kryerjes së punëve. Sot na vizituan drejtori i prokurimit Salih Kqiku dhe anëtari i komitetit të shërbimeve publike Ramadan Ajvazi, ku prej së afërmi panë punën. Me kompaninë shumë serioze Globi vetëm se plotësohet besimi ynë. Pastaj vizituam disa pika me probleme në Zhegër, ku pritet të merren masa” ka shkruar Elezi

Elezi është ndarë i kënaqur edhe rreth investimet në projektin e kanalizimit prej 2025 metra dhe trotuari prej 5 kilometra. “Zhegra dhe Lladova po i heqin disa brenga të cilat i kishin shumë kohë të gjatë” ka shkruar Elezi i cili ka marrë urime e lavdërata edhe nga rivalët e tij politik./rajonipress/