Mobi Casa

Zhegra kërkon shkollë të mesme

/ 3 minuta lexim

Gjilan – Kërkesat e profesorëve, nxënësve dhe komunitetit janë që sa më shpejt të fillojnë përgatitjet për ndërtimin e një godine të re shkollore për nxënës të shkollave të mesme thotë Ruhan Kurteshi.

Ndërtimi i kësaj shkolle sipas Iniciativës Qytetare të Zhegrës është më se e qëlluar, me perspektivë dhe vizion shumë premtues, si për shkollat e mesme të Gjilanit, ashtu edhe për nxënësit që do të përfitonin më së shumti.

Në një letër që kjo iniciativë u ka dërguar drejtorisë së arsimit,ministrit Buja dhe institucioneve tjera relevante thuhet se Zhegra një ndër vendbanimet më të mëdha në Komunën e Gjilanit me mbi 5000 banorë, dhe 16 fshatra me mbi 6000 banorë, tani me mbi 1400 nxënës që vijojnë shkollën fillore, dhe mbi 200 nxënës të shkollave të mesme që mundohen ti ndjekin mësimet, në godinën e ish shkollës fillore “Agim Ramadani” që tash më është ngritur edhe më shumë rreziku i rrënimit nga vjetërsia, por më tepër nga tërmeti që pat pësua dëme të konsideruara.

Ruhan Kurteshi ka sqaruar se edhe pse në kushte shumë të këqija, në Zhegër funksionon Gjimnazi “Zenel Hajdini” me dy drejtime:Drejtimi i përgjithshëm, dhe Drejtimi i shkencave shoqërore ku mësimet i ndjekin 110 nxënës, për të cilët kujdesën 26 profesor.

UBT

Edhe ,Shkolla e Mesme Ekonomike “Marlin Barleti” Gjilan, ka arritur që në Zhegër t`i ketë 122 nxënës që vazhdojnë shkollimin në 8 paralele me përgatitje profesionale, siç

Sipas Kurteshit gjenerata e parë e dalë nga kjo shkollë, 80% e kanë dhënë me sukses provimin kombëtar, çka është një inkurajim për profesorët dhe nxënësit e kësaj shkolle.

Sipas mendimit të profesionistëve të arsimit, një numër i konsideruar nga këto vendbanime, është regjistruar jashtë Zhegrës për arsye të kushteve, e një shkollë e re, do të evitonte rrezikun e pa nevojshëm të nxënësve dhe kuadrit arsimor nga rrënimi eventual i godinës së dëmtuar, kurse nga ana tjetër do hapej mundësia për shtimin e profileve të tjera profesionale, që do të ndikonte edhe në stabilizimin e numrit të nxënësve në shkollat e mesme të Gjilanit tha Kurteshi./rajonipress/