Zhegra kërkon projektimin dhe ndërtimin e urës në Mërzisht

Gjilan – Ruhan Kurteshi nga IQZH ka kërkuar nga Fadil Osmani menaxher në zyrën e projekteve mundësin e hartimit të projektit dhe ndërtimit të urës në Mërzisht , respektivisht afër Xhamisë në Zhegër.

Sipas Ruhan Kurteshit përfaqësues i Iniciativës Qytetare në Zhegër( IQZH), kjo urë do të lidhë dy pjesët e qytezës së Zhegrës . Zhegra me një gjatësi prej 3.5 Km , përmes të cilit rrjedh lumi Zhegra aktualisht të dy pjesët e qytezës së Zhegrës lidhen me vetëm një urë.

“Është kërkesë e kamotshme e qytetarëve , që të ndërtohen ura të tjera që do të lidhin lagjet e Zhegrës , ku do të shkurtoheshin distancat për qarkullimin e automjeteve dhe këmbësorëve. Lokacioni ku pretendojmë të ndërtohet ura është shumë i përshtatshëm. Kjo urë lidh tregun me pjesën tjetër të qytezës, xhaminë dhe 3 rrugë tjera” tha Kurteshi.

Kurteshi ka kërkuar zyra e projekteve që të hartoj projektin për ndërtimin e kësaj ure dhe ndërtimin e saj në afat sa më të shpejt , sepse kjo urë është me rëndësi vitale për qytetarët e Zhegrës./rajonipress/