Zhbogar i lumtur me procesin e zgjedhjeve

Shefi i misionit të BE-së në Kosovë, Samuel Zhbogar, ka dalë të shoh se si po shkojnë procedurat e votimit në Prishtinë.

Zhbogar u shpreh i lumtur që deri më tani gjithçka po shkon sipas rendit. Zhbogar, ka lajmëruar se kjo është qendra e parë që po e viziton dhe pas kësaj, ka bërë me dije se do të vizitoj Komunën e Vushtrrisë, fshatin Prilluzhë dhe më pas veriun e Mitrovicës.

Ai shpreson që edhe në Mitrovicë qytetarët do të dalin të votojnë si në komunat e tjera të Kosovës që edhe banorët e veriut ta zgjedhin vetë përfaqësuesin e tyre.

Zhbogar, i ka ftuar gjithë qytetarët e Kosovës që të dalin të votojnë dhe të vendosin vetë për të ardhmen e tyre.