Zgjidhen mospajtimet për muzeun memorial 9/11

Mospajtimet që ndikuan në ndaljen e punimeve në Muzeun 9/11, në New York, tashmë janë zgjidhur. Lajmi për zgjidhjen e mospajtimeve erdhi pak para shënimit zyrtar të 11-vjetorit të sulmeve terroriste në Qendrën Botërore të Tregtisë në New York.

Guvernatorët e New Yorkut dhe të New Jerseyt, bashkë me prefektin e qytetit të New Yorkut, Michael Bloomberg, kanë konfirmuar të hënën mbrëma arritjen e marrëveshjes përfundimtare për Muzeun 9/11.

Ishin mospajtimet rreth çmimit të muzeut ato që ndalën realizmin e këtij projekti për disa muaj. Fillimisht parashihej që Muzeu Memorial 9/11 të kompletohej deri më 11 shtator, megjithëse tani udhëheqësi i këtij muzeu pohon se nevojitet më shumë se një vit shtesë për përfundimin e projektit.

Ndryshe, në muze do të përfshihen artefaktet e mbledhura në ditën e sulmeve terroriste kundër SHBA’ve, gjatë të cilave u vranë 2,751 njerëz.

Çmimi i gjithëmbarshëm i projektit është 1.4 miliardë dollarë.