Zgjedhjet qenë të pastra

Zgjedhjet e 8 qershorit po vlerësohen pozitivisht jo vetëm nga shefat e misioneve ndërkombëtare që veprojnë në Kosovë, por edhe nga diplomatë e analistë të jashtëm.

Shefi i misionit të BE-së për sundimin e ligjit, EULEX, Bernd Borchardt, gjatë një takimi që ka zhvilluar me presidenten e Kosovës, Atifete Jahjaga, e ka përgëzuar atë dhe të gjitha institucionet përgjegjëse, për organizimin e zgjedhjeve të mira dhe demokratike.

Ai ka thënë se misioni i EULEX-it ka bashkëpunuar me të gjitha institucionet përgjegjëse për sigurinë e zgjedhjeve dhe ka ndihmuar që procesi të jetë i qetë.

Jahjaga nga ana e saj e ka vlerësuar punën dhe angazhimin e misionit të EULEX-it gjatë procesit të zgjedhjeve dhe posaçërisht bashkëpunimin e misionit me institucionet e tjera të vendit përgjegjëse për mbarëvajtjen e gjithë procesit të zgjedhjeve.

Ajo ka thënë se zgjedhjet e parakohshme të përgjithshme në vend kanë qenë të qeta, transparente, gjithëpërfshirëse dhe të lira dhe kanë dëshmuar pjekurinë politike të shoqërisë në Kosovë. Presidentja Jahjaga ka theksuar se të gjitha institucionet përgjegjëse për organizimin, mbarëvajtjen dhe sigurinë e procesit të zgjedhjeve, përfshirë edhe misionet ndërkombëtare që e kanë ndihmuar atë, kanë treguar gatishmërinë dhe profesionalizmin e tyre gjatë gjithë procesit. Për ecurinë e zgjedhjeve kanë shkruar edhe mediet e jashtme…(Tribuna)