KKGJILAN

Zgjedhjet e parakohshme, në pranverë

/ 1 minutë lexim

Zyrtarë të lartë në PDK dhe diplomat të jashtëm që veprojnë në Kosovë kanë nisur ta favorizojnë opsionin e shkuarjes në zgjedhje të parakohshme kundrejt ristrukturimit të koalicionit qeverisës.

Burime brenda partisë më të madhe në vend kanë bërë të ditur për Kohën Ditore, se ditëve të fundit është duke u shqyrtuar seriozisht mundësia që zgjedhjet e parakohshme presidenciale dhe ato të përgjithshme të mbahen në pranverën e vitit të ardhshëm.

KKGJILAN

Ekziston mundësia që në të njëjtën kohë të mbahen edhe zgjedhjet lokale, të cilat edhe ashtu parashihet të organizohen në vjeshtën e vitit 2013.
Një skenar i tillë sipas një zyrtari të lartë të PDK-së, parashihet të realizohet duke e “detyruar” Behgjet Pacollin që të jap dorëheqjen nga posti i zëvendëskryeministrit.

Dhe nëse ai refuzon, ashtu siç ka paralajmëruar të enjten nëpërmjet rrjetit social, atëherë, nuk përjashtohet mundësia e shkarkimit të tij.