Zëvendëskryetari Aliu priti në takim përfaqësues të MAPL-së

Viti – Zëvendëskryetari i komunës së Vitisë, Hasan Aliu bashkë me përfaqësues të tjerë institucional, kanë pritur sot në takim Ejup Kamberaj – Udhëheqës i Divizionit për Avancimin e të Drejtave Njeriut në komuna dhe Luljeta Ibishi Ferizi – Zyrtare e Lartë për të drejtat e Njeriut në komuna, nga Ministria e Administrimit të Pushtetit Lokal.

Në këtë takim u bisedua rreth hartimit të Planit të Veprimit për të Drejtat e Fëmijëve, ku nesër pritet edhe të lansohet Platforma për të Drejtat e Fëmijëve.

Aliu u shpreh se komuna e Vitisë është e gatshme dhe mbështet një plan të tillë, me qëllim të përmirësimit të jetesës dhe të drejtave të fëmijëve.

Poashtu, gjatë këtij takimi u diskutua edhe rreth prioriteteve, sfidave, mirëqenies, ardhmërisë dhe të drejtat e fëmijëve në përgjithësi, me theks të veçantë në komunën e Vitisë./rajonipress/