Zenun Pajaziti, organizoi pritje për gratë e familjeve të dëshmorëve

Gjilan – Kryetari i Degës së PDK-së z.Zenun Pajaziti së bashku me Gruan Demokratike, përmbylli këtë vit me pritjen që i bënë grave të familjeve të dëshmorëve.

“Shprehëm dëshirën që bashku me Gruan Demokratike të ndajmë disa moment së bashku me ju për të shprehur respektin që kemi për secilën nga familjet tuaja që edhe në këtë ndërrim të moteve të ndajmë së bashku kujtimin dhe respektin e pafund për dëshmorët. Edhe sot, jemi të vetëdijshëm që nuk kemi pasur mundësinë të bëjmë atë çfarë kemi obligim dhe atë çfarë meritoni ju si familjarë të dëshmorëve, prandaj në secilën ditë mendojmë dhe kemi përgjegjësi për t’i jetësuar idealet e dëshmorëve tanë”.

Paajziti ka thënë se jeta në pavdekësi e dëshmorëve kishte idealin e Çlirimit, idealin e Pavarësisë dhe bërjes së shtetit dhe për këtë ne duhet secilën ditë të kryejmë detyrat tona për Institucionet e shtetin me detyrimin dhe përgjegjësinë më të lartë për veprimet tona si Institucione ka thënë z.Pajaziti duke uruar për familjet e dëshmorëve shëndet dhe të gjitha të mirat./rajonipress/