Zeneli shkëlqen me Helsinkin

Erfan Zeneli po jep sinjale të mira para fillimit të sezonit të ri në elitën e futbollit finlandez. Mesfushori vushtrrias ka shkëlqyer në fitoren e Helsinkit, e cila e ka mposhtur Honkan 4:0 në ndeshjen e Kupës së Ligës.

Kosovari me pasaportë finlandeze në këtë përballje ka realizuar golin e parë për Helsinkin në minutën e tetë, derisa ka asistuar te goli i dytë dhe i tretë. E përditshmja finlandeze Iltalehti i ka thurur lavde kosovarit. “Zeneli e sill Honkan”, ishte titulli i kësaj të përditshme.

“Në pjesën e parë kam marr topa në lëvizje dhe kështu jam shumë i rrezikshëm në fazën e sulmit”, ka thënë Zeneli i cili tri herë radhazi po fiton titullin e kampionit me Helsinkin.

Prej ardhjes së Sixten Bostrom në krye të ekipit finlandez, Zeneli është vendosur në krahun e majtë të mesfushës, ku po ndihet shumë mirë.

“Tash e kam rolin më të thjeshtë, pasi jam lojtar i anës së majtë, pasi më herët kam luajtur në mes dhe krahun e djathtë. Trajneri po me beson ne atë pozite dhe ka kërkuar të harkoj më shpesh’, ka theksuar Zeneli.