Zeneli, më i miri i Helsinkit

Erfan Zeneli është futbollisti më meritor që Helsinki u shpall kampion i Finlandës. Për këtë arsye, drejtuesit e klubit finlandez ia kanë dhënë futbollistit kosovar epitetin e futbollistit më të mirë të Helsinkit për këtë edicion.

Zeneli gjatë gjithë kampionatit ishte shtylla kryesore e HJK-sët, për të cilin ekip i ka realizuar 11 gola, derisa ka asistuar edhe në 17 të tjerë që i kanë realizuar shokët tij. Por, ky çmim nuk pritet të jetë i vetmi që do t’i ndahet kosovarit.

Zeneli është kandidati kryesor për ta fituar edhe epitetin e futbollistit më të mirë në elitën e futbollit finlandez. Ai është lojtar shumë i njohur në Finlandë, andaj edhe është ftuar në përfaqësuesen e këtij shteti.

Për finlandezët, ai është ‘Franck Ribery’ i tyre, ngase i përngjan francezit në stilin e lojës dhe të dukjes.