Zbulohet vatra e brucelozës

Gjilan – Në repartin e infektologjisë është shtruar pacienti i shtatë i konfirmuar me brucelozës që është nga Malisheva e Gjilanit. Ky person që ka 16 copë dhi njëherit është edhe burim i infeksionit edhe tek pacientët e tjerë tha Xhevat Demiri.

Në repartin e infektologjisë është shtrirë edhe pacienti i shtatë i infektuar me brucelozë. Xhevat Demiri shef i repartit të infektologjisë tha për rajonipress se ky është rasti i shtatë i konfirmuar me brucelozë dhe njëherësh është zbuluar edhe burimi apo vatra e brucelozës.

Demiri tha se pacienti është nga Malisheva e Gjilanit dhe i njëjti ka një kope të dhive me 16 frymë. Sipas Demirit ky pacient apo ky fermer edhe është burimi apo vatra kryesore prej nga edhe janë infektuar gjashtë pacientët e tjetër të shtrirë më herët në spital.

Demiri tha se pacienti i shtatë (fermeri) ka shitur djathë dhe pastaj edhe vet ka konsumuar. “Fillimisht ky pacient është shtrirë në repartin e internos, por pas analizave është verifikuar se a`i është infektuar me brucelozë dhe aktualisht është i shtrirë në infektivë” sqarojë Demiri.

Demiri ka lutur të gjithë ata qytetarë që kanë blerë apo kanë konsumuar djathë të dhive nga i njëjti fermer të lajmërohen urgjentisht tek infektologu. Sipas Demirit gjashtë rastet e tjera të infektuara me brucelozë ende janë duke u trajtuar në repartin e infektives./rajonipress/

Shpërndaje.
© RAJONIPRESS