Zbulohet busti i Dëshmorit të Kombit Nevzad Balë Kryeziu

Gjilan – Të shtunën në Roganë të Dardanës është bërë zbulimi i bustit të Dëshmorit të Kombit Nevzad Balë Kryeziu.

Në zbulimin e bustit ishin të pranishëm familjet e Dëshmorëve, invalid, veteran të luftës së UÇK-së dhe qytetarë.

Paraprakisht, u mbajt një fjalë e rasti që i është kushtuar jetës së dëshmorit të Kombit, Nevzad Balë Kryeziut, ku në këtë rast është folur për heroizmin dhe rezistencën që bëri ndaj armikut.

Fjalën e rastit, për jetën dhe veprimtarinë e dëshmorit dhe prezantimin e të pranishmëve e bëri Florim Kryeziu.

Në emër të familjes foli, djali Bajram Kryeziu i cili falënderoi të pranishmit të cilët na nderuan.

Për ndërtimin e bustit është kujdesuar dhe është financuar nga Agjencia për Menaxhimin e Komplekseve Memoriale të Kosovës(AMKMK), ndërsa autor është skulptori Agron Blakçori.

Dëshmori Nevzad Kryeziu pas një rezistence, ra heroikisht më 11 maj 1999 në përballje me forcat serbe./rajonipress/

Shpërndaje.
© RAJONIPRESS