Zbulohen sekretet seksuale të Muammar Gaddafit

“Bab-al-Azizia”, pallati i Muammar Gaddafit, që ndodhet në zemër të Tripolit, ishte edhe vendi ku ish-koloneli shuante oreksin e tij seksual me qindra gra, vajza të reja, por edhe meshkuj.

Ky fakt tregohet në faqet e librit të gazetares franceze Annick Cojean, ku gjenden disa dëshmi të këtyre vajzave, siç është edhe dëshmia e 23-vjeçares Soraya.

Vajza, emri i vërtetë i të cilës nuk është ai që shkruhet në libër, ka rrëfyer jetën e saj prej 5-vitesh të kaluara në Bab-al-Azizia, ku, siq raporton noa, mësohet të jetë dërguar atje që në moshën 15-vjeçare, pasi disa truproja personale të Gaddafit e kishin marrë atë nga bankat e shkollës.

Rrëfimi i saj është i frikshëm, që nga takimi i parë me Gaddafin, që e priste i zhveshur nudo duke i thënë se për të ishte një baba por edhe vëlla, deri tek detyrimet për të veshur të brendshme seksi dhe të konsumonte kokainë.

Sipas gazetares franceze, pjesë e grupit që i përgjigjeshin epshit seksual të kolonelit, ishin diplomatë, pjesëtarë të protokollit, si dhe zyrtarë, të gatshëm për të bërë të pamundurën për t’u falënderuar nga drejtuesi i Libisë, madje ishin të gatshëm të rrëmbenin nga bankat e shkollës vajza dhe djem të bukur.

Gazetarja franceze ka dëgjuar me vëmendje rrëfimin e Soraya dhe nëpërmjet saj ka arritur të gjejë edhe vajza e gra të tjera, që dhanë dëshminë e tyre, pasi meshkujt nuk mundën, sepse tabuja e homoseksualitetit është e vështirë të pranohet në shoqërinë arabe.