Zbogar të enjten në Gjilan

Gjilan – Përfaqësuesi special i Bashkimit Evropian për Kosovën, Samuel Zbogar pritet të takohet me Qemajl Mustafën, pastaj viziton punimet në Bibliotekën e qytetit, takohet me përfaqësuesit e AZHR-së dhe mbanë një ligjëratë në Fakultetin e Edukimit.

Samuel Zbogar përfaqësues i Bashkimit Evropian për Kosovën të enjten viziton Gjilanin. Sipas agjendës që e kanë dërguar me postë elektronike,Zbogar pritet të takohet me Qemajl Mustafën ku edhe do të ketë prononcime për media.

Zbogar pastaj viziton zyrën e AZHR Lindje ku pritet të takojë përfaqësuesit e saj,një takim Zbogar e ka paraparë edhe me komunitetet, ndërsa pritet t`i vizitojë edhe punimet në Bibliotekën e qytetit e cila po ndërtohet me fondet e Komisionit Evropian në vlerë të mbi 2 milion eurove.

Samuel Zbogar pastaj do të mbajë një ligjëratë publike në Fakultetin e Edukimit në Gjilan rreth fushës së integrimeve evropiane./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).