Zbogar për vizat: Keni edhe pak durim

Në Ditën e Evropës, kur në Kosovë ishte ditë pushimi dhe kërkohej liberalizimi i vizave, përfaqësuesi i Bashkimit Evropian, kërkon durim nga qytetarët e Kosovës për liberalizimin e vizave.

Ai tha se në verë do të ketë edhe një raport i cili do të bëjë vlerësim se çfarë është arritur në Kosovë dhe çka duhet të bëjë Kosova në këtë drejtim.

“Shohim çdo ditë një përkushtim të Kosovës, drejt kësaj rruge dhe unë konsideroj se Kosova ka shënuar progres në rrugëtimin drejt Evropës. Së fundi kanë përfunduar negociatat për MSA’në dhe në procesin e vizave mendoj se kemi bërë një hap të madh përpara. Jemi në proces të evoluimit për të parë nëse Kosova është gati që t’i bashkohet lëvizjes pa viza. Do të ketë një raport para verës i cili do të japë një velrësim se çfarë është arritur dhe çfarë hapash duhen bërë në mënyrë që Komisioni tu rekomandoj vendeve anëtare që të hapin kufijtë për Kosovën. E kuptoj që ka qenë një proces i gjatë dhe u kërkoj qytetarëve kosovarë që të kenë edhe pak durim pasi ne po bëjmë hapa të rëndësishëm”, tha Zgogar për RTK.