Zabelasit i gëzohen fazës së dytë të lumit Mirusha

Gjilan -Ne banorët e Lagjës Zabel që ishim më të atakuarit , më të prekurit , më të rrezikuarit nga kundërmimi , mushkonjat dhe moçali i dikurshëm që përhapte dhe ishte një burim për ndonjë epidemi eventuale me përmasa më të mëdha jemi të lumtur që faza e dytë po fillon tha Refik Hasani.

Banorët e Zabelit lagje kjo më e atakuara nga era dhe kundërmimi që ka rrjedhë nga moçali i quajtur lumi Mirusha, e kanë pritur me gëzim lajmin për fillimin e punimeve. Refik Hasani banorë në atë pjesë dhe kryetar i këshillit enkas për sensibilizimin e kësaj problematike tha se ndihet i gëzuar për fazën e dytë të punimeve.

Hasanit i kujtohet fakti që moçali kishte vërshuar luadhet e arapit me një sipërfaqe mbi 50 hektar , një moçal me rreziqe të shumta, që infektoi ajrin , ujin dhe toka ishte gati e kontaminuar.

“Jemi të kënaqur pasi faza e parë emergjente është përfunduar , e mbi të gjitha mirëpresim fazën e dytë , që po ashtu presim që të fillon sa më parë . Kërkojmë që edhe faza e tret të rrumbullakoj tërë këtë projekt kapital duke nënkuptuar edhe ndërtimin e impiantit të ujerave të zeza . Projekti më kapital dhe strategjik në investime të infrastrukturës për Gjilanin e Anamoravën është rregullimi i Ujërave të zeza dhe Lumi Mirusha” tha Hasani.

Tani Moçali i dikurshëm është tharë , dezinfektimi është duke u bërë që nga viti 2008 . Nuk ka kundërmim , nuk ka mushkonja , nuk ka rrezik që fëmijët të rrezikohen dhe të bien në Moçal , kemi pastrim edhe të Lumit Uji i Banjës dhe Stanishorka shprehet ai.

Këshilli Organizativ punoi dhe funksionoi dhe u mundua duke u angazhuar , prandaj arriti shumë më shumë se këshillat tjera të bashkësive lokale tjera të Gjilanit , e tregoi më shumë suksese se shumë OJQ e grupime tjera .Bëri shumë kërkesa , parashtroi edhe alternativa për zgjidhje të kësaj çështje , pati mbështetjen e banorëve të Lagjes dhe Gjilanit.

Hasanit i kujtohet mirë jeta e vështirë që kanë bërë banorët e posaçërisht fëmijët e lagjes.”Këshilli i Zabelit dhe banorët e lagjes Zabel, punuan , vepruan dhe u angazhuan që ta njoftojnë , sensibilizojnë dhe t`i alarmojmë të gjithë përgjegjësit lokal dhe qendror dhe opinionin për rreziqet që i kanosej Gjilanit nga ujerat e zeza”.

Tani kur ky projekt është në prag të fazës së dytë kërkojmë që puna , menaxhimi i punimeve dhe pranimet e këtyre punimeve të jenë profesionale. Hasani tha se duhet të merret nën menaxhim edhe mirëmbajtja e punimeve të fazës së parë , pra shtrati i rregulluar i Lumit Mirusha të kaloj nën mbikëqyrje të përhershme të Higjienës dhe të caktohen Komisione Komunale mikste me ministrit përkatëse për këto monitorime./rajonipress/