Ymeri u premton ndihmë të verbërve

Gjilan – Kryetari i Komunës së Novobërdës Bajrush Ymeri është takuar me përfaqësuesit e Shoqatës së të verbërve dhe të pamurit të dobësuar në Gjilan Muharrem Shala dhe Bajram Spahiu.

Nga ky takim është parë mundësia për të ndihmuar këtë shoqatë me mjete financiare për të funksionuar më mirë ajo.

Kryetari i Shoqatës Muharrem Shala theksoi se ne si organizatë qëllimet kryesore i kemi që t`i integrojmë në shoqëri personat me nevoja të veçanta, dhe se u ofrojmë kurse të kompjuterëve, lëvizje në hapësirë etj, dhe kemi filluar edhe me regjistrimin e personave të ri që janë të dedikuar në këtë shoqatë.

Kryetari i Komunës Bajrush Ymeri premtoi që do të ndajë një shumë të mjeteve për të ndihmuar funksionimin e kësaj shoqatë.“Ne do të procedojmë kërkesën e juaj dhe do të kërkojmë që të ndahet një shumë e mjeteve për shoqatën e juaj. Ne si shoqëri kemi obligim ndaj personave me nevoja të veçanta dhe do të ju dalim në ndihmë kërkesave te juaja brenda mundësive tona buxhetore”, u shpreh Ymeri.

Është e vërtetë që pa ndihmën tonë është vështirë me operua dhe me funksionuar, ne do të mundohemi si komunë ta ndihmojmë këtë shoqatë , në mënyrë që edhe qytetarët tanë që janë të natyrës së tillë me gjet vetën me ne në shoqëri.

Kryetari i Shoqatës Muharrem Shala dhe Bajram Spahiu u shprehën falënderues ndaj kryetarit Ymeri dhe në përgjithësi Komunën e Novobërdës për ndihmën e deritashme të ofruar që nga viti 2008, për shoqatën e të verbërve për të operuar si shoqatë./rajonipress/