Ymeri: Ramushi iu ul në prehër Kadrisë nga frika

Lideri i Lëvizjes Vetëvendosje, Visar Ymeri, ka thënë në një tubim në Kaçanik, se Ramush Haradinaj nga frika vendosi “t’i ulet në prehër” Kadri Veselit, e ky i fundit e pranoi pasi mund të fshihet pas tij, njofton Klan Kosova.

“Ramushi shkoi në prehër të Kadrisë, sepse s’guxoi me dal vetë e Kadria e pranoi Ramushin për t’u fshehur për vete”, pohoi Ymeri.

“Kriza është e këtyre politikanëve, e zgjidhjet e zgjedhjet janë të qytetarëve. Ata tani janë në panik, sepse po bijën poshtë dhe nuk po mund të ndalen nga rënia”.

Prandaj, sipas Ymerit, “Vetëvendosja e Albin Kurti janë gati”.

Ymeri shtoi se derisa politikanët e tjerë e kanë sjellur Kosovën në këtë gjendje që është tani, Vetëvendosje do të kontribuoi shumë që të përmirësojë gjendjen e qytetarëve të vendit, sepse Vetëvendosje i njeh personalisht të gjitha familjet në nevojë në Kosovë”.