Ymeri: Qytetarët e shkarkuan Jabllanoviqin

Lëvizja “Vetëvendosje”, si organizatore e protestave për shkarkimin e ministrit, Aleksandër Jabllanoviq, e ka vlerësuar si fitore të qytetarëve shkarkimin e tij, duke paralajmëruar se në ditët në vijim mund të ketë protesta për shkak të mos shndërrimit të ndërmarrjes shoqërore në ndërmarrje publike.

Drejtuesit e kësaj Lëvizjeje, po ashtu, kanë kërkuar lirimin e menjëhershëm të personave të arrestuar gjatë dhe pas protestës së 27 janarit.

Këto deklarata drejtuesit e “Vetëvendosjes” i kanë dhënë të martën në një konferencë për media, menjëherë pas lajmit se Aleksandër Jabllanoviq nuk është më pjesë e Qeverisë së Kosovës./zeri/