Ymeri pranon çarjet e bllokut opozitar: Na duhet më shumë konsolidim

Lideri i Lëvizjes Vetëvendosje, Visar Ymeri, ka sqaruar se pse partitë opozitare, kanë marr vendim për shtyrjen e protestes, e cila ishte parapa të mbahej nesër. Ai ka thënë se vendimi është marr për shkak të provokimeve dhe sulmet siç thotë ai policore, mbi aktivitetet e opozitës. “Opozita e bashkuar ka nevojë për më shumë konsolidim të brendshëm e për zgjerim të frontit opozitar”.

Ky është postimi i plotë i Ymerit në Facebook:

Miq të dashur,

Opozita e bashkuar ka marrë vendim ta shtyjë protestën e paralajmëruar për nesër. Opozita e bashkuar ka nevojë për më shumë konsolidim të brendshëm e për zgjerim të frontit opozitar. Regjimi autoritar në Kosovë luftohet suksesshëm vetëm me Alternativë të bashkuar qytetare e shoqërore.

Po ashtu, duke pasur parasysh provokimet dhe sulmet policore mbi aktivitetet tona opozitare është më mirë që në vigjile të festës së Pashkëve të mos mbahet kjo protestë, por ajo të shtyhet për një datë tjetër.

Opozita e bashkuar duhet të jetë edhe më e vendosur në kundërshtimin e ‘Zajednicës’ së Serbisë që kjo qeveri synon ta ringjallë dhe të demarkacionit të kufirit me Malin e Zi që na i humb mbi 8.200 hektarë.

Presim që Komisioni ad-hoc për vlerësimin e Marrëveshjes për Demarkacion ta konfirmojë qëndrimi tonë opozitar, si qëndrim i drejtë dhe i argumentuar. Kosova nuk ka tokë për të falur.

Opozita e bashkuar kërkon zgjedhje të reja parlamentare sepse qeveria aktuale është dëshmuar si anti-kushtetuese, kurse kërkesa jonë për referendum u pat refuzuar prej saj.