Ymeri: Nuk i ndalim protestat, kemi arsye për të protestuar

Lideri i Vetëvendosjes, Visar Ymeri në një konferencë për media ka thënë se opozita nuk ka arsye për ti ndaluar protestat, ai madje ka thënë se kanë arsye për të vazhduar me to.

“Kemi arsye për të vazhduar me protesta sepse kjo qeveri jo që nuk po jep përgjegjësi por po futet edhe më thellë. Protestat tona janë vazhdimisht paqësore dhe të tilla do të jenë gjithmonë”, ka thënë Ymeri, raporton Indeksonline.

Ymeri më pas ka folur edhe rreth mundësisë së krijimit të komunës së Prelluzhës e cila sipas tij po të hynte në kuadër të Asociacionit do ti shkaktonte dëm të madh Kosovës.

“Votimi i detyruar i Thaçit për president nuk mund të bëhej pa bekimin e Vuçiqit. Mustafa e Thaçi janë vërë një me “Zajednicën” dhe të pandashëm. Komuna e Prelluzhës është e rëndësishme për Serbinë, dhe themelimi i saj në Asociacion i kushton shumë Kosovës. Kjo komunë me fshatrat Stanovc i epërm dhe i ulët janë të banuara me shqiptar dhe kjo ka pasuri të linjit. Themelimi i Asociacionit i lejon kësaj komune te merr Serbia kompetenca mbi këtë pasuri”, theksoi Ymeri.
Ai tutje theksoi se tokat bujqësore jë janë në këtë rajon, në rast të formimit të kësaj komune një pjesë e saj do të kalonte mbi administrimin e saj gjë që do ta tjetërsonte në etnitet serb./Indeksonline/