Ymeri: Kosova dhe Shqipëria duhet të kontribuojnë për kombin shqiptar

Kryetarin e partisë opozitare në Shqipëri, Lulzim Bashën e ka pritur në një takim edhe kryetari i Vetëvendosjes Visar Ymeri.

Ymeri tha se janë të gatshëm të bashkëpunojnë për të mirën e shqiptarëve. Sipas tij Kosova dhe Shqipëria duhet të kontribuojnë për një komb shqiptar. Ai tha se bashkëpunimi i cili ndodh mes dy shteteve duhet të jetë bashkëpunim qe i zhduk barrierat si ekonomike ashtu dhe arsimore.

Kryetari i Partisë Demokratike të Shqipërisë Lulzim Basha tha se me Ymerin kanë biseduar për realitetet politike në Kosovë dhe Shqipëri, çështjet kyçe të interesit kombëtar.

Lëvizja Vetëvendosje sipas Bashës përfaqëson një pasuri kombëtare dhe politike në vend./zeri/