Ymeri: Falë jush, në çdo vendvotim ku keni votuar ju, ne kemi dalë të parët, më keni bërë krenar

Gjilan – Si kandidat për kryetar komune, ju më renditët të dytin në nivel komune dhe të parin nga kandidatët shqiptarë – si për kryetar, ashtu edhe për subjekt politik, ku LDK mori 52% të votave shqiptare, ndërsa unë si kandidat për Kryetar 58% ka shkruar Bajrush Ymeri.

Postimi i plotë:

Të dashur qytetarë,
Tani që i kemi rezultatet preliminare të zgjedhjeve, dua t’ju falënderoj nga zemra për përkrahjen tuaj të madhe që na e keni dhënë.
Falë jush, në çdo vendvotim ku keni votuar ju, ne kemi dalë të parët.
Më keni bërë krenar – faleminderit nga zemra!

Si kandidat për kryetar komune, ju më renditët të dytin në nivel komune dhe të parin nga kandidatët shqiptarë – si për kryetar, ashtu edhe për subjekt politik, ku LDK mori 52% të votave shqiptare, ndërsa unë si kandidat për Kryetar 58%.

Pra sikur të mos ishte Lista Serbe shumicë, do të kishim fituar që në raundin e parë, pa balotazh.
Gara ishte e fortë, por ne u angazhuam me përkushtim, dhe mbi të gjitha, meritën për këtë fitore të madhe e keni ju qytetarë të dashur!

Një falënderim i veçantë shkon për të gjithë kandidatët për asamble komunale, për komisionerët, vëzhguesit, dhe çdo aktivist që ka kontribuar në këtë proces dhe në fitoren tonë.

Tani e tutje, ju siguroj se situata do të jetë në kontrollin tonë dhe zëri i qytetarëve shqiptarë do të përfaqësohet me dinjitet – nga unë dhe nga ekipi fitues i LDK-së.
Zoti ju bekoftë ju dhe familjet tuaja!

Me shumë respekt,
Bajrush Ymeri