Ymeri: Ende pa përgjigje për kushtet e VV-së

Visar Ymeri, i Lëvizjes Vetëvendosje, në emisionin Interaktiv të KTV-së ka folur për takimin e sotëm të liderëve. Ai ka thënë se në këtë takim, janë diskutuar dy çështjet kryesore, që koalicioni i lidhur tashmë, jo vetëm që nuk do të pranojnë koalicion me PDK-në, por do ta kundërshtojnë një gjë të tillë.

Njeriu dytë më i votuar i Lëvizjes Vetëvendosje, Visar Ymeri ka thënë se në takimin e sotëm të Isa Mustafës, Ramush Haradinajt, Fatmir Limajt e Albin Kurtit është diskutuar edhe për pikat që ka paraqitur Lëvizja Vetëvendosje.

“Kriteret dhe parimet, sepse nuk dua t’i quaj kushte, janë një lloj hapi që ka marrë VV-ja dhe jemi kujdesur që gjuha të jetë sa më e kapshme dhe se tani jemi duke i diskutuar modalitetet, sepse ende nuk kemi një po ose jo nga subjektet politike”, ka thënë ai. /Telegrafi/