“Yllkat” dhe “Fatosat” e shkollës fillore “Nazmi Hoxha” suksesshëm performojnë në festën e Abetares në Gjakovë

Gjilan – Nxënësit e shkollës sonë këtë vit festën e Abetares e festuan më ndryshe nga vitet tjera. Ata patën privilegjin që të përfaqësojnë Komunën e Gjilanit në festën e Abetares në një organizim të përbashkët nga të gjitha viset etnike, i cili u mbajt në qytetin e Gjakovës. Ata performuan shkëlqyeshëm me dy pika artistike (një recital përmes të cilit tregoheshin veçantitë e qyteteve të të gjitha viseve etnike dhe Himnin e Gjilanit përmes të cilit u prezantuan vlerat shkencore, kulturore e artistike të të gjithë qytetarëve të Komunës sonë) ka thënë drejtoresha e shkollës “Nazmi Hoxha” në Gjilan Dashurije Shaqiri.

Njoftimi i plotë:

Yllkat dhe Fatosat e klasës së parë të përmbushur në zemër e shpirt përvetësuan 36 shkronjat e alfabetit shqip, 36 margaritarët që do iu shëndritin në rrugën e dijes.

Ata performuan shkëlqyeshëm me dy pika artistike (një recital përmes të cilit tregoheshin veçantitë e qyteteve të të gjitha viseve etnike dhe Himnin e Gjilanit përmes të cilit u prezantuan vlerat shkencore, kulturore e artistike të të gjithë qytetarëve të Komunës sonë).

Përgëzojmë mësimdhënësit Refik Sabedini dhe Hasibe Islami për përkushtimin në punë me nxënësit e klasës së parë! Falënderojmë Koordinatoren në nivelin Komunal për Festën e Abetares znj. Mirlindë Bunjaku për bashkëpunimin e suksesshëm! Gëzuar Festa e Abetares gjithë nxënësve të shkollës sonë dhe gjithë nxënësve të klasës së parë mbarë Kosovën!

Me respekt, Drejtoresha e shkollës, Dashrije Shaqiri