“XXL Petriti ” vendi i parë në turnirin tradicional të futbollit “Rogana 2015”

Kamenicë – Në Roganë, përfundoi turniri tradicional në futboll të vogël, i cili iu kushtua 16 vjetorit të rënies ,dëshmorëve të kombit “Selver dhe Emin Kryeziu. Kryetari komunës, së bashku me prindërit e dëshmorëve, Selver dhe Emin Kryeziut, para fillimit ndeshjes ia dorëzoi mirënjohjet atyre që kishin kontribuar me vite në organizimin këtij turniri, si edhe sponsorëve të shumtë.

Nga 27 ekipe që kishin marrë pjesë në finale u ndeshen ekipi nga Rogana “Besiani” dhe “XXL” nga Petriti. Ekipi nga Petriti, u bë pronar i kupës duke mundur ekipin vendas me rezultat 7:0.

Kupën fituesit ia dorëzoi kryetari i komunës z.Begzad Sinani, i cili përgëzoi ekipet finaliste për lojën e bukur që e treguan në finale, ai poashtu i falënderoi organizatorët e këtij turniri, si dhe shprehu gatishmërinë e komunës për mbështetje financiare edhe në vitet tjera.

Ideja për organizimin e këtij turniri ka lindur më 2003, nga rinia Roganase, që nga ajo kohë, turniri ka shënuar afirmim, duke i kaluar kufijtë e fshatit dhe komunës, njëherit u bë turniri më i madh në Anamoravë që mbahet në këtë kohë,interesimi për pjesëmarrje gjatë këtyre viteve vazhdimisht shtohej,përveç ekipeve nga komuna e jonë, në këtë turnir kishin marrë pjesë edhe ekipet nga: Prishtina, Ferizaji, Gjilani,Presheva , Bujanoci , ndërsa këtë vit, ishte pjesëmarrës edhe një ekip nga Shkupi.

Bashkatdhetarët që po kalojnë pushimet në vendlindje, me kënaqësi e përcollën këtë aktivitet sportiv, duke kaluar qaste të këndshme dhe takime me shokë e miq. Madhështore e bëri finalen numri i madh i shikuesve,mbi tremijë, loja e bukur dhe fer, dhe pa incidente./rajonipress/