Xhika dhe Shabani te Drita?

Gjilan – Dy lojtarët e KF Lepenci nga Kaçaniku, Besmir Xhika dhe Xhevdet Shabani, shumë lehtë mund të bëhen anëtarë të ekipit gjilanas, Drita. Burime të afërta me klubin gjilanas bëjnë të ditur se dyshja Xhika dhe Shabani tashmë kanë pasur bisedime me krerët e Dritës dhe se marrëveshja nuk është larg.

“Takimi ka qenë mjaft konstruktiv dhe palët janë afër marrëveshjes”, bëjnë të ditura burimet e afërta me bardhekaltrit. “Bëhet fjalë për një marrëveshje njëvjeçare për të dy lojtarët. Kushtet kanë qenë të pranueshme dhe besojmë se në fillim të javës që vjen do të kryhet puna”, kanë bërë të ditur të njëjtat burime.

Mësohet se të dy lojtarët aktuaklisht janë jashtë Kosovës, por pritet të kthehen brenda disa ditëve në Gjilan dhe finalizojnë marrëveshjen. Drita më herët është përforcuar me dy lojtarë të tjerë, Albert Kastratin dhe Ismet Ramushin.(zeri)

Shpërndaje.
© RAJONIPRESS