RCCOLA

Xherdani me „Show your swiss colours“ nuk është pritur mirë

/ 2 minuta lexim

Një spot i realizuar nga reprezentuesi kosovar i Zvicrës, Xherdan Shaqiri, nuk është pritur mirë, sidomos nga disa fansa shqiptarë, dy javë para përballjes Zvicër-Shqipëri, takim ky që luhet më 11 shtator në Lucern, në kuadër të eliminatorëve të Kupës së Botës “Brazili 2014”.

20-vjeçari i lindur në Gjilan në rrjetin e tij social në Facebook ka publikuar një fotografi nga spoti “Show your swiss colours”, ku ai dhe dy bashkëlojtarët, Inler dhe Fernandes, dhurojnë për fansat e tyre nga një fanellë nëse dërgojnë fotografitë e tyre në [email protected].

Në këtë lojë shpërblyese Xherdan Shaqiri, i cili është në fokus të kësaj videoje, ka shfaqur edhe një vizatim mbi zemër, në të cilën shihet flamuri helvetik.

Ky veprim i Shaqirit nuk është pritur mirë nga ca fansa shqiptarë, të cilët e kanë interpretuar se i riu me prejardhje nga Kosova e ka në zemër vetëm Zvicrën. Të gjitha këto komente të shoqëruara me fyerje janë bërë në forume të ndryshme sociale në internet.

Mobi Casa

Por, ka edhe të atillë që e mbrojnë shqiptaro-zviceranin, i cili gjatë kësaj vere u transferua nga Baseli në Bayern Munich.

Në takimin e Lucernit trajneri zviceran në përbërje të ekipit zviceran e ka ftuar pesëshen e përbërë nga Xherdan Shaqiri, Granit Xhaka, Valon Behrami, Blerim Xhemajli dhe Admir Mehmeti.

Në prag të përballjes Zvicër-Shqipëri, pesëshja shqiptare e Zvicrës ka marrë kritika të shumta që zgjodhën Zvicrën para Shqipërisë.