Xherdani, mashkulli i vitit 2013
Futbollisti shqiptar, Xherdan Shaqiri, është shpallur mashkulli i vitit nga revista me renome botërore, GQ. Edicioni gjerman i revistës ka mbajtur një ngjarje glamuroze në Berlin në pallatin e operës Komische.
Në këtë ngjarje ishin të pranishëm disa prej emrave më të mëdhenj të shoubizit ndërkombëtar, duke përfshirë edhe Beckhamin.
Dhe, duke folur për çmimin që do të ndajë me bashkëlojtarin e tij te Bayern Munichu, Shaqiri u shpreh i ngazëllyer me epitetin.
“Nuk e kam pritur këtë çmim. Për mua është një befasi e mirë për të cilën i jam falënderues të gjithëve”, ka theksuar Shaqiri. /Telegrafi/