Xherdan Shaqiri në vend të Lukas Podolskit

Xherdan Shaqiri ka gjasa ta zëvendësoi Lukas Podolskin, i cili pritet të largohet nga Arsenali për tu transferuar në Inter.

E ardhmja e Xherdan Shaqirit vazhdon të mbetet e paqartë. Edhe pse Pep Guardiola konfirmoi se mesfushori kosovar nuk do të largohet nga Bayern Munich, mediat vazhdojnë të spekulojnë rreth të ardhmes së reprezentuesit zviceran.

Sipas portalit zviceran, tio.ch, Xherdan Shaqiri ka gjasa ta zëvendësoi Lukas Podolskin te Arsenali. Reprezentuesi gjerman pritet të transferohet te Interi, derisa mesfushori me prejardhje nga Gjilani mund ta zërë vendin e tij.

Ish mesfushori i Baselit pëlqehet nga Arsen Wenger dhe transferimi në Londër do t’i jap mundësi Shaqirit që të luajë më shumë sesa te Bayern Munich. Kurse, përveç Arsenalit, për ta transferuar Xherdan Shaqirin së fundi po insiston edhe Juventusi.