Xhensila Myrtezaj flet për divorcin e prindërve: Isha e vogël, por kuptova çfarë ishte jeta

Këngëtarja e njohur shqiptare, Xhensila Myrtezaj, momentalisht është njëra nga personazhet e preferuara në showbizin shqiptar.

Ajo ka qenë së fundmi e ftuar në “A Live Nigt”, ku ka rrëfyer gjëra të shumta nga karriera e jeta personale.

Në një moment, artistja ka folur edhe për divorcin e prindërve ndërkohë që thotë se ishte e vogël kur ka ndodhur.

E njëjta thekson se është mirënjohëse ndaj së ëmës, e cila i ka bërë ballë të gjitha vështirësive në rritjen dhe edukimin e saj.

“Në fakt fëmijëria ime ka qenë paksa e pazakontë. Prindërit më janë divorcuar në një moshë të vogël timen. Ka qenë një periudhë sfiduese, edhe pse fëmijë kuptova se çfarë ishte jeta. Ndoshta më parë se bashkëmoshatarët e mi. Kuptova që me sakrifica me dhimbje ti kupton se çfarë është jeta dhe çfarë të duhet në jetë. Familja, që unë e kam shumë të rëndësishme dhe unë e kam shume të shenjtë edhe sot e kësaj ditë, është objektivi më i rëndësishëm i jetës sime”, u shpreh Myrtezaj.

“Nëse do i përulesha një njeriu në jetë, ajo është vetë nëna ime. Sakrificat e nënës sime kanë qenë të jashtëzakonshme. Tani që jam nënë, është instinkti që të bën më luftarake për fëmijën, krijesën që ke sjellë në jetë. Për mamanë time ka qenë shumë e vështirë, ajo ka kamufluar gjithmonë dhimbjen, vështirësitë në mënyrën më të mirë. Tani e kuptoj shumë më mirë, jam nënë vetë dhe kam përkrahej e Besit në çdo kohë dhe përsëri është e vështirë mëmësia, mere me mend si është për një femër të vetme që ti sigurojë, ushqimin, edukimin e vajzave të saj. Prandaj them se femrat janë më të forta se gjithçka që na rrethon”, thekson krijuesja e hitit “A e din ti”.

Xhensila vlen të ceket se është nënë e një vajze të quajtur, Ajka. /Telegrafi/

Shpërndaje.
© RAJONIPRESS