Xhemajli premton shumë

Blerim Xhemajli ka shfaqur paraqitje të shkëlqyeshme në fitoren e Napolit ndaj Parmës. Mirëpo, mesfushori shqiptar është i bindur se mund të japë edhe më shumë nga vetja, në mënyrë që ta ndihmojë ekipin nga San Paolo t’i arrijë objektivat që ka.

“Jam i kënaqur me paraqitjen time dhe jam i sigurt se mund të demonstroj ende më shumë nga kualitetet e mia me kohë. Po angazhohem shumë, sepse dua të luaj shumë dhe ia kaloj mirë në këtë skuadër”, deklaroi përfaqësuesi zviceran pas ndeshjes. “Cavani dhe Pandev janë modelet e lojës sonë. Me sakrificën e të gjithëve do të arrijnë edhe rezultatet. Sekreti ynë është shpirti luftarak”, vazhdoi futbollisti shqiptar nga Maqedonia.

Sa i përket ndeshjes ndaj Parmës, ish futbollisti i Boltonit, i Torinos e i Parmës mendon se Napoli ka mundur t’i realizonte 6-7 gola dhe se është dashur ta mbyllte lojën më parë.