Xhemajli nuk zmbrapset, pavarësisht pasojave

Kryetari i veteranëve rrezikon të vuajë dënimin me burg prej 30 ditësh. Krejt kjo pasi që Muharrem Xhemajli ka refuzuar të japë dëshmi para prokurorit Mauricio Salustro. Xhemajli të premten nuk ka shkuar me dëshirë në Prokurori, por atë e kanë marrë policia.

Ai ka refuzuar t’u përgjigjet pyetjeve e prokurorit dhe kjo do t’i kushtojë me dënim, fillimisht me gjoba prej 250 eurosh e më vonë edhe me 30 ditë burg. Xhemalji ka thënë të hënën për gazetën se, pavarësisht pasojave, nuk e ka ndërmend të dëshmojë.

Ai është ftuar si dëshmitar për rastin “Grupi i Drenicës” në të cilin shtatë persona dyshohen se kanë kryer krime lufte. Në mesin e të dyshuarve është edhe ish-komandanti i UÇK-së Sylejman Selimi dhe kryetari i Skenderajt Sami Lushtaku. Xhemajli është i bindur në vendimin e tij dhe thotë se nuk e ka ndërmend të zmbrapset.(Tribuna)