Xhemajli: E bëra njërën prej paraqitjeve më të mira

Blerim Xhemajli ndihet mjaft i kënaqur me paraqitjen që e bëri ndaj Brazilit mbrëmë, në miqësoren të cilën e fitoi përfaqësuesja e Zvicrës me rezultat minimal 1:0, në ndeshjen e zhvilluar në Basel.

Mesfushori shqiptar luajti nga minuta e parë dhe në bazë të asaj që tregoi, ai mendon se kjo ishte njëra prej ndeshjeve më të mira që ka bërë që kur luan me Helvetikët.

“Më duhet ta pranoj se e kam bërë njërën prej paraqitjeve më të mira në karrierën time me përfaqësuesen. Ishte e rëndësishme për mua që mund ta lë një shenjë”, deklaroi mesfushori i Napolit pas ndeshjes.

27 vjeçari shpreson se me këtë lojë ta ketë bindur selektorin Ottmar Hitzfeld që të luajë në vazhdimësi në të ardhmen.

“Unë jam një lojtar që jep gjithçka në fushë. Po të mos isha ambicioz, nuk do të luaja futboll. Më duhet të jem i rregullt dhe të tregohem me klubin tim, për të më pasur më pas në konsideratë selektori”, përfundoi futbollisti shqiptar nga Maqedonia.