Xhemaili: Galatasaray do të japë maksimumin ndaj Arsenalit

Blerim Xhemaili thotë se Galatasaray do të japë gjithçka në ndeshjen e sotme të Ligës së Kampionëve ndaj Arsenalit.Ish-mesfushori i Napolit, i cili më herët kishte luajtur në Ligën Premier me Boltonin, kaloi te skuadra turke gjatë kësaj vere dhe është ambicioz për mundësitë që ka me klubin e ri.

“Ata janë një ekip që gjithmonë luan futboll të bukur që nga mbrojtja”.

“ Ata përpiqen gjithmonë ta lëvizin topin. Mbaj mend një gjë për ta, ata janë një ekip që luajnë të bashkuar, çdokush jep gjithçka për ekipin”.

“Për ne do të jetë e rëndësishme të luajmë si ekip, të mbrohemi fuqishëm dhe të luajnë ndeshjen tonë. Të mos kemi frikë”.

“Ne duhet të kemi respekt, është e rëndësishme, por jo të kemi frikë. Mendoj se ne kemi një ekip të mirë, ne mund të luajmë kundër çdo skuadre. Mendoj se do të jetë në duart tona”, ka thënë shqiptari që aktivizohet për kombëtaren e Zvicrës. /Telegrafi/