Valon Berisha me zgjedhje interesante në mes bashkëlojtarëve – renditë edhe mesfushorët më të mirë në botë

Valon Berisha ka qenë i ftuari i radhës në podcastin “Arena e Yjeve” që është prodhim i Telegrafit.

Këtë seri të podcastit me reprezentuesin e Kosovës, do të keni mundësinë ta ndiqni nesër (e shtunë) me fillim nga ora 17:10 në kanalin zyrtar të Telegrafit në Youtube, ose në TV Dukagjini.

Berisha iu nënshtrua gjithashtu edhe një loje, ku ylli dardan u desh që të zgjedhë mes lojtarëve të Kombëtares dhe atyre që ka luajtur në klube.

Pothuajse për secilën zgjedhje që bëri, Valoni dha edhe arsyetimin e tij pse e bëri atë zgjedhje.

Por, kjo nuk ishte e tëra, pasi 32-vjeçari u vu para zgjedhjeve të vështira edhe kur renditi mesfushorët më të mirë në botë.

Për të i padiskutueshëm si më i miri mbetet Zinedine Zidane, ndërsa top treshja e tij u kompletua nga Andres Iniesta dhe Sergio Busquets.

Kujtojmë se Berisha aktualisht luan në radhët e LASK-ut në Austri, teksa më parë ka veshur fanellën e klubeve si RB Salzburg, Lazio, Stade Reims, Fortuna Dussledorf etj.

Këtë sezon ai ka 21 paraqitje në elitën e futbollit austriak ku ka dëshmuar një formë të lartë, teksa numëron tre gola dhe katër asistime./Telegrafi/