Xhelili takon veteranët e luftës, kjo kategori meriton më shumë përkrahje e respekt

Gjilan – Republikanët në Gjilan janë pritur nga kryesia e veteranëve të luftës dega në Gjilan. Pas këtij takimi Republikanët kanë falënderuar kryesinë e veteranëve për angazhimin që po e bëjnë për të mirën e qytetit të Gjilanit, derisa Selver Xhelili ka thënë se kjo kategori meritojnë përkrahje e vëmendje më të madhe të institucioneve.

Xhelili i ka uruar kryesisë së re detyrën për mandatin vijues duke shtuar se kjo kategori meriton shumë më shumë sepse pa këta djem e vajza të cilët luftuan krah përkrah me NATO-n kundër regjimit serb kjo jetë tani nuk do kishte kuptim, nuk do ekzistonin as partitë politike dhe nuk ishim të lirë që brezi ynë e shumë të ri të përjetojnë lirinë.

“Republikanet çdo herë dhe në çdo kohë, pozitë dhe opozitë do të përulen para vlerave të UÇK-së dhe kësaj kategorie duke vlerësuar këtë kategori të veçantë” ka thënë Xhelili./rajonipress/