Xhavit Hajdarit i vazhdohet arresti shtëpiak edhe për dy muaj

Gjilan – Kolegji i përbërë prej tre vetave dhe i kryesuar nga Ramiz Azizi kryetar i ka caktuar masën e arrestit shtëpiak edhe për dy muaj Xhavit Hajdarit ish drejtor i spitalit të Gjilanit.

Ish drejtori i spitalit të Gjilanit Xhavit Hajdari i dyshuar për veprën penale “marrje e ryshfetit” do të vuaj masën e arrestit shtëpiak edhe për dy muaj të tjerë. Kështu ka vendosur Kolegji i përbërë prej tre vetave i kryesuar nga Ramiz Azizi kryetar.

Hajdarit pos që i është vazhduar masa e arrestit shtëpiak atij edhe i është ngritur aktakuza nga ana e Prokurorisë Komunale .Kryeprokurorja publike komunale Rabije Jakupi tha për rajonipress se prokurori Esat Ademi e ngarkon Hajdarin për veprën penale “marrje ryshfeti”.

Ndryshe kjo është aktakuza e dytë që i ngritet Hajdarit. Aktakuza e parë e ngarkon Xhavit Hajdarin për nxjerrje të vendimeve të kundërligjshme,shpërdorim të pozitës zyrtare,arkëtim dhe pagesa të paligjshme./rajonipress/