“Javën tjetër do të bjerë vendimi përfundimtar rreth pjesëmarrjes së Xhakës në olimpiadë ”, ka thënë Peter Knäbel nga Federata zvicerane e futbollit.
Skuadrës së re që ka angazhuar Granit Xhakën, Borussia Monchengladbach do t`i duhet që për një kohë paksa më të gjatë të heqë dorë nga shërbimet e talentit shqiptar nga Zvicra. Xhaka është në listën e lojtarëve të skuadrës olimpike të Zvicrës, që do t`i zhvillojë ndeshjet nga 27 korriku deri më 12 gusht.
Gjatë kësaj kohe dhe para saj, kur të bëhet grumbullimi dhe të fillojnë stërvitjet, Graniti pra nuk mund t`u bashkohet kolegëve gjermanë. Ky është skenari më i mundshëm megjithëse vendimi përfundimtar nëse Xhaka do të udhëtojë në Londër për Lojërat Olimpike ose jo, merret javën e ardhshme.
Gazeta gjermane “Bild” ka shkruar dje se shefi i delegacionit olimpik të Zvicrës Jean-Claude Donze dhe trajneri i Boruissia-s, zvicerani Lucien Favre, që njihen mirë mes vete, tashmë kanë këmbyer mendimet e tyre mes vete. Bisedimet po rrjedhin shumë miqësisht. Ne dëshirojmë të kemi një zgjidhje që do t`u pëlqejë të gjithëve.
Javën tjetër do të bjerë vendimi përfundimtar”, ka thënë drejtori teknik i federatës zvicerane të futbollit Peter Knäbel. Ai ka shtuar se Zvicra dëshiron që në Olimpiadë të shkojë me lojtarët më të mirë, ndërsa sipas një vndii të FIFA-s, klubet duhet t`i shformojnë skuadrat e tyre U21 profesionale.
Knäbel ka dhënë edhe një argument përse Zvicra ka interes që në Londër të shkojë me skuadrën e saj më të mirë: Hera e fundit kur përfaqësuesja zvicerane ka marrë pjesë në olimpiadë ka qenë para 84 vitesh, prandaj është e kuptueshme rëndësia që zviceranët i japin kësaj pjesëmarrjeje.(albinfo.ch)
