Xhaka mund të luajë për Interin ose Lazion

Agjenti i futbollistëve me licensë të FIFA-s, Domenico Cuccarese, beson se mesfushori kosovar, Granit Xhaka, ka cilësi të mjaftueshme për të luajtur te Interi ose Lazio.

Duke folur për mediat italiane, Cuccarese theksoi se Graniti është një talent i madh i futbollit evropian. “Ai është një mesfushor qendror, që mund të luajë edhe para mbrojtës. Unë jam njëri nga ata që besoj se Graniti ka qenë moti i gatshëm të luajë në ligën italiane. Të mos harrojmë se ai tashmë ka luajtur në Ligën e Kampionëve. Ai mund të jetë shumë i nevojshëm për Lazion dhe Interin, pasi do t’iu jepte kualitet në mesfushë”, theksoi agjenti ndërkombëtar.