Xhaka, i dyti për pasime në “Euro 2016”

Granit Xhaka renditet i dyti me 369 pasime të sakta, në katër ndeshje të luajtura me helvetët. Vetëm gjermani Kroos është para tij.

Granit Xhaka është futbollisti i dytë me më së shumti pasime të kompletuara në “Euro 2016”, shkruan albinfo.ch.

Edhe pse u eliminua me Zvicrën në 1/8 e finales, Granit Xhaka vazhdon të mbetet njëri nga futbollistët me më së shumti pasime të kompletuara. Xhaka renditet i dyti me 369 pasime të sakta, në katër ndeshje të luajtura me helvetët.

Vetëm Toni Kroos i Gjermanisë ka më shumë se mesfushori shqiptar, gjithsej 509. Xhaka ka qenë lider te Zvicra në Kampionatin Evropian, derisa ishte figura tragjike në penalltitë me Poloninë, duke e humbur penalltinë e vetme në këtë ndeshje.

Mesfushori shqiptar këtë verë u transferua në Arsenal nga Borussia Moenchengladbach për 45 milionë euro.

http://www.albinfo.ch/xhaka-i-dyti-per-pasime-ne-euro2016/