Xhaka gjithnjë e më stabil te Moenchengladbachu

Mesfushori kosovar, Granit Xhaka, është shndërruar në një shtyllë të rëndësishme të skuadrës Borussia Moenchengladbach, njoftojnë mediumet gjermane të martën.

Pas një sezoni jo të mirë, Xhaka 21-vjeçar, këtë edicion po garanton stabilitet në përbërjen e parë.

Ai ka një saktësi të madhe në gjuajtje (86.3%), po ashtu deri më tash ka fituar 52.4% të dueleve në Bundesligë. “Kemi luajtur ndeshje të mira, por nganjëherë po na mungon fati. Shpresoj të kemi më shumë fat”, ka thënë Xhaka, që këtë edicion ka regjistruar dhjetë paraqitje në Bundesligë dhe ka dhënë një asistim.

Skuadra e Moenchengladbachut pas 11 xhirove të zhvilluara në Bundesligë, zë vendin e katërt me 19 pikë.