Xhaka: Do të tregohem i kujdesshëm me gazetarët gjermanë

Mesfushori i Borussia Moenchengladbachut, Granit Xhaka, insiston se tash e tutje do të tregohet më i kujdesshëm në deklaratat e tij për gazetarët gjermanë, shkruan të martën “Sport.ch”.

“Kam kuptuar se në Gjermani më duhet të flas ndryshe dhe me kujdes më të madh për gazetarët. Edicioni im është vlerësuar i dobët nga gazetarët, ndërsa në fakt nuk ishte aq i dobët”, është shprehur Xhaka. “Po ashtu edhe disa nga deklaratat e mia nuk ishin me vend, por edhe gazetarëve në Gjermani u pëlqen t’i ekzagjerojnë gjërat”.

Mesfushori Xhaka ka insistuar se nuk e ka ndërmend të largohet nga Borussia, ndonëse emri i tij po lidhet me shumë skuadra evropiane.

“Asnjëherë nuk kam thënë se dua të largohem, këto janë spekulime të gazetave”, ka thënë Xhaka.