Vuçiq: Nuk ka zgjidhje të lehta për Kosovën

Kryeministri i Serbisë Aleksandar Vuçiq ka paralajmëruar se në mesin e temave të rundit të ardhshëm të bisedimeve Beograd – Prishtinë, që do të mbahet në janar në Bruksel, do të jetë vendimi i Gjykatës Kushtetuese të Kosovës për Asociacionin e Komunave serbe, të cilin ai nuk deshi ta komentonte.

“Nuk ka zgjidhje të lehta për Kosovën” , tha kryeministri, transmeton “Veçernje Novosti”, përcjell Koha.net.

Vuçiq ka theksuar se Beogradi është gjithmonë i gatshëm për të zhvilluar dialog dhe për të bërë kompromise, por jo nëse dikush përreth apo në botë të mendojë e se mund ta nënçmojë Serbinë.

“Kurrë s’e kam të lehtë të shkoj në Bruksel”, ka thënë Vuçiq duke theksuar se në të ardhmen do të ketë vështirësi e probleme, por Serbia do të shikojë për t’u mbrojtur.

Ai ka shtuar se në pozitën negociuese të kapitullit 35 që ka të bëjë me Kosovën, megjithatë nuk gjendet ai “dokumenti i tmerrshëm”, përkatësisht amendamenti të cilin para dy muajsh e kishte paraqitur Gjermania që ka qenë i keq për pozicionin e Serbisë në fillimin e negociatave.

http://koha.net/?id=27&l=91391